გარდა ვაქცინისა, გვერდითი მოქმედებები ყველა წამალსა და ნივთიერებას აქვს, თუმცა ვაქცინის სარგებელი გაცილებით მეტია ვიდრე მისი გვერდითი ეფექტი - ამის შესახებ დაავადებათა კონტროლის ცენტრის ხელმძღვანელმა ამირან გამყრელიძემ განაცხადა.

"ერთს მინდა ხაზი გავუსვა, ხშირად არის საუბარი გვერდით მოქმედებებზე. გვერდითი მოქმედება აქვს ყველა წამალს და ყველა ნივთიერებას. წყალმაც კი გარკვეული დოზით მიღებულმა შეიძლება გამოიწვიოს გვერდითი ეფექტი. ვაქცინასაც, რა თქმა უნდა, აქვს გვერდითი ეფექტი, მაგრამ სარგებელი ვაქცინის მიერ არის 100-ჯერ, 1000-ჯერ და მეტჯერ მეტი, ვიდრე მისი გვერდითი მოქმედებები. დღეს მსოფლიოში აცრილია 359 მილიონი ადამიანი, თუ არ ვცდები და აცრის შემდგომი გართულებით არცერთი ფატალური შედეგი არ არის", - თქვა გამყრელიძემ.