ენმ-ს წევრი სალომე სამადაშვილი "ქართული ოცნების" თავმჯდომარის ირაკლი კობახიძის განცხადებას გამოეხმაურა და აღნიშნა, რომ მისი გამოსვლები მოლაპარაკებების პროცესს აზიანებს. მისი განმარტებით, ევროპელი პარტნიორები ყურადღებით აკვირდებიან ყველა სიტყვას, ამ სიტყვებმა კი კიდევ ერთხელ აჩვენა, ვის რა განწყობა აქვს:

"იმ განცხადებებს, რომელსაც აკეთებს ბატონი კობახიძე ვფიქრობ, რომ ეს განცხადებები ხელს ნამდვილად არ უწყობს მოლაპარაკებების პროცესს და იმ თვალსაზრისით, რომ ჩვენი ევროპელი პარტნიორები ძალიან ყურადღებით აკვირდებიან ყველა სიტყვას, რასაც მხარეები საჯაროდ ამბობენ ვფიქრობ, ამ სიტყვებმა კიდევ ერთხელ აჩვენა ქართულ პოლიტიკურ სპექტრში, ვის აქვს ის განწყობა, რომ ჩაშალოს ეს მოლაპარაკებები და არ დასრულდეს მოლაპარაკებები კონკრეტული შედეგით. ბატონი კობახიძის მხრიდან კრიმინალურ ამპულაში მოხსენიება პოლიტიკური ოპოზიციის ლიდერების ვფიქრობ, რომ მხოლოდ დამატებით დაბრკოლებას უქმნის ამ მოლაპარაკების წარმატებისთვის", - განაცხადა სამადაშვილმა.

შეგახსენებთ, ირაკლი კობახიძემ დანიელსონთან შეხვედრის შემდეგ განაცხადა, რომ ქვეყანაში პოლიტპატიმრები არ არიან, პოლიტიკაში კი კრიმინალები არიან. "კრიმინალებში" კობახიძემ სააკაშვილი, უგულავა და მელია მოიხსენია.