ფრაქცია "ქართული ოცნების" თავმჯდომარის, მამუკა მდინარაძის განცხადებით, კრისტიან დანიელსონის გადაწყვეტილება საქართველოში დარჩენასთან დაკავშირებით მისთვისაც სასიამოვნო სიურპრიზი იყო. მდინარაძის განმარტებით, დანიელსონის დარჩენა ძალიან კარგია ქვეყნისთვის:

ჩემთვისაც სასიამოვნო სიურპრიზი იყო დამშვიდობების შემდეგ კრისტიან დანიელსონის გადაწყვეტილება, რომ საქართველოში რჩებოდა და მედიაციას გააგრძელებდა - ეს იყო ძალიან კარგი. გამომდინარე იქედან, რომ გუშინ საბოლოო შეთანხმება ვერ მოხდა, პროცესი დროში ცოტა უნდა გაწელილიყო და შეიძლება კარგი არ ყოფილიყო, ვინაიდან, ეს ადამიანი საქართველოში დარჩა და მოლაპარაკებებს აგრძელებს, ეს მხოლოდ კარგია, - ამბობს მდინარაძე.

შეგახსენებთ, რომ ევროპული საბჭოს პრეზიდენტის შარლ მიშელის სპეციალურმა წარმომადგენელმა საქართველოში, კრისტიან დანიელსონმა საქართველოში ვიზიტი გაახანგრძლივა და განაცხადა, რომ ქვეყანას არ დატოვებს ვიდრე ოპოზიციასა და ხელისუფლებას შორის შეთანხმებას არ მიაღწევს.