ქართული ოცნების“ დეპუტატმი შალვა პაპუაშვილი კრისიტიან დანიელსონის გადაწყვეტილება შეაფასა, რომლის მიედვითაც შვედი დიპლომატი საქართველოში კიდევ ორი დღე რჩება.

მისი თქმით "ქართული ოცნების“ წარმომადგენლებთან გუშინ გამართული შეხვედრის შემდეგ დანიელსონს ბრიუსელში გამგზავრება ჰქონდა დაგეგმილი და ის მმართველი პარტიის წარმომადგენლებს დაემშვიდობა.

„სასიხარულოა, რომ მედიატორი დარჩა საქართველოში. ჩვენ გუშინ ბოლო შეხვედრის შემდეგ დაგვემშვიდობა. მას დაგეგმილი ჰქონდა გამგზავრება უკან, ბრიუსელში, თუმცა კარგია, რომ შეთანხმების მიღწევის შესაძლებლობა დაინახა და დარჩა. დღეს ის ოპოზიციას ხვდება იმისთვის, რომ ის საკითხები, რომელიც ჯერ კიდევ ღიაა ოპოზიციის მხრიდან, შეთანხმდეს. როგორც არ უნდა დასრულდეს ეს დიალოგი და მედიაციის პროცესი საბოლოო ჯამში ქართველი ხალხი გაიგებს, რომ „ოცნება“ იყო ყველაზე კონსტრუქციული. იგივე მესიჯი და იგივე გზავნილი გვაქვს შარლ მიშელისთვის“, – განაცხადა შალვა პაპუაშვილმა.