ესტონეთის ყოფილი პრეზიდენტი ტომას ჰენდრიკ ილვესი სოციალურ ქსელში ირაკლი კობახიძის ინტერვიუს გამოეხმაურა, სადაც ქართული ოცნების თავმჯდომარე ნიკა მელიას დაკავებასა და ამ საკითხზე გიორგი გახარიას დამოკიდებულებაზე საუბრობდა. ილივესის გაღიზიანება გამოიწვია ინტერვიუს ჩაწერის დროს უკან არსებულმა ევროკავშირის დროშამ.

"ჩემი კითხვაა, განსაკუთრებით კანონის უზენაესობის გროტესკულად დარღვევის შემდეგ, რომელიც აქ არის აღწერილი, რა ჯანდაბას აკეთებს ევროკავშირის დროშა ამ ინტერვიუს გადასაღებ ადგილას?" - დაწერა ილვესმა ტვიტერზე.