პარლამენტის თავმჯდომარე, არჩილ თალაკვაძე, კრისტიან დანიელსონთან შეხვედრის შემდეგ განაცხადა, რომ "ოპოზიციის მხრიდან კიდევ არის საჭირო ნაბიჯების გადადგმა იმისათვის, რომ შეთანხმება შედგეს".

თალაკვაძემ ასევე აღნიშნა, რომ ოპოზიციასთან მოლაპარაკებას დიდ დროს და ენერგიას უთმობენ , მიუხედავად იმისა რომ , მისივე თქმით, ოპოზიციასთან მოლაპარაკების გარდა, " ძალიან ბევრი მნიშვნელოვანი საკითხი აქვთ მოსაგვარებელი".

"მოლაპარაკებები გრძელდება. ჯერ კიდევ რჩება სამუშაო, რომ პოზიციები კიდევ უფრო დაახლოვდეს. ამ შეთანხმების გადაწყვეტის მთავარი გზა არის, მხარეებმა გადადგან ნაბიჯები და არამხოლოდ ხელისუფლებამ გადადგას კონკრეტული ნაბიჯები, რაც ჩვენი მხრიდან უკვე გაკეთებულია. შეთანხმება შესაძლებელია მხოლოდ სამართლიან პირობებზე.. რა თქმა უნდა, დროს და ენერგიას ვუთმობთ ამ ოპოზიციურ პარტიებთან დიალოგს, თუმცა, მეორე მხრივ ჩვენთვის უმნიშვნელოვანესი პრიორიტეტია ის, რაც საზოგადოებას ყველაზე მეტად სჭრდება - პოსკოვიდური სიტუაციის შემცირება, სიღარიბის დაძლევა... ოპოზიციასთან მოლაპარაკების გარდა, ჩვენ გვაქვს ძალიან ბევრი მნიშვნელოვანი საკითხი მოსაგვარებელი... - ამბობს თალაკვაძე.