ქუთაისის მუნიციპალური საკრებულოს ფრაქცია "ნაციონალური მოძრაობის" თავმჯდომარე გიგა შუშანია, ქუთაისში ნამოხვანჰესის წინააღმდეგ გამართულ საპროტესტო აქციას ეხმაურება და აცხადებს, რომ "ეს ხალხი გამოიყვანა უსამართლობამ, ხელისუფლების უსამართლო დამოკიდებულებამ".

შუშანიას შეფასებით, თურნავა ივანიშვილის "შიკრიკია" და მოსახლეობის ინტერესები ივანიშვილის ფინანსურ კეთილდღეობას ეწირება.

"ეს ხალხი გამოიყვანა უსამართლობამ, ხელისუფლების უსამართლო დამოკიდებულებამ. ყველამ კარგად იცის, რომ თურნავა არის ივანიშვილის შიკრიკი. პირდაპირ ივანიშვილისა და კალაძის ფინანსურ ინტერესებს ეწირება ჰესის მშენებლობა. ის როგორც ხელისუფლება და პოლიცია ექცევა ადამიანებს, როდესაც გამოგზავნა თურნავა ივანიშვილმა და როგორც თვითონ ყიდულობს საკუთარ მინისტრებს, ისე შესთავაზა 5 მილიონი ერთ სოფელს. 2012 წელსაც 5 მილიონს სთავაზობდა თითო სოფელს და ამ მოუმატოს ამ ოჯახაშენებულმა ან დააკლოს, არ შეიძლება 9 წელი ერთი და იგივე ტყუილით კვებო მოსახლეობა", - ამბობს გიგა შუშანია.