ფორმულას ურნალისტს ვახო სანაიაზე თავდასხმის კადრები პოლიტმეტრის ეთერში გამოქვეყნდა.

კადრებში, რომელიც ტაქსის ვიდეო-რეგისტრატორის მიერ არის გადაღებული ჩანს, როგორ აწვება ვახო სანაია ავტომობილს, რომელიც მოყინულ გზაზე ვერ ახერხებს ასვლას. ამ დროს მას უახლოვდებიან თავდამსხმელები, რომლებიც ჟურნალისტს ფიზიკურ და სიტყვიერ შეურაცხყოფას აყენებენ. კადრებში ასევე ჩანან ადგილზე მისული საგანგებო სიტუაციების მართვის სამსახურის თანამშრომლები. მაშველები თავდამსხმელებს აშველებენ და ცდილობენ ისინი სანაიას განარიდონ.

როგორც თავად ვახო სანაია აცხადებს, ის გაეცნო მოწმეების დაკითხვის ოქმებს, თუმცა ხსენებული მაშველები, გამოკითხვის დროს ამბობენ, რომ სიტყვიერ და ფიზიკურ შეურაცხყოფას ვახო სანაიას მისამართით ადგილი არ ჰქონია.

ვახო სანაიასა და მის ოჯახს თავს 25 თებერვალს, გამთენიისას დაესხნენ. როგორც ტელეწამყვანი ყვება, თავდასხმა მის ჟურნალისტურ საქმიანობას უკავშირდება. სანაიამ თავდასხმის შედეგად სხვადასხვა სახის დაზიანება მიიღო, დაშავდა მისი რძალიც.