უპირობოდ ვთვლი ნიკა მელიას დიალიგის მაგიდასთან დაბრუნებას, "გავრილოვსკი გირაოზე" ლაპარაკიც ზედმეტია... არ ვაპირებთ ვაჭრობას ივანიშვილის ვნებების დასაოკებლად

უპირობოდ ვთვლი ნიკა მელიას დიალიგის მაგიდასთან დაბრუნებას, "გავრილოვსკი გირაოზე" ლაპარაკიც ზედმეტია... არ ვაპირებთ ვაჭრობას ივანიშვილის ვნებების დასაოკებლად - ბაჩუკი ქარდავა

პოლიტიკა - 20:47, 12 Mar, 2021

1656

გაერთიანებული ოპოზიციის ერთ-ერთი ლიდერი, ეროვნულ-დემოკრატიული პარტიის თავმჯდომარე ბაჩუკი ქარდავა საქართველოში შექმნილ პოლიტიკურ კრიზისთან, ოპოზიციის პოლიტიკურ დევნასა და დასავლელი პარტნიორების მედიაციით ხელისუფლებასთან დაგეგმილ დიალოგთან დაკავშირებით ფეისბუქ გვერდზე პოსტს აქვეყნებს.

"ძალაუფლების მიტაცებამ ივანიშვილის თავზე ფატალური ძალის წნეხი დააგროვა, ნიკა მელიას დაპატიმრებამ ოცნების დამასრულებელი დეტონატორი აამოქმედა და ოლიგარქის პოლიტიკური დასასრული შეუქცევადი გახადა...

ამ ვითარებაში, როცა პოლიტიკური კრიზისი უკვე უდავო მოცემულობაა, ლოგიკური იქნება, თუ კიდევ ერთხელ შევახსენებ თალაკვაძეს და ყველას იმას, ვინც დღევანდელი პარლამენტის გადარჩენას ლამობს - მე, როგორც ერთი პარტიის წარმომადგენელი, რომელიც არალეგიტიმური პარლამენტის ბოიკოტის რეჟიმშია, უპირობოდ ვთვლი მელიას დიალოგის მაგიდასთან დაბრუნებას. რა თქმა უნდა, "გავრილოვსკი გირაოს" გადახდაზე საუბარიც კი სასაცილოა და პარლამენტის ვადამდელი არჩევნების თარიღის გარეშე არც კი დავფიქრდები ბოიკოტის რეჟიმის მოხსნაზე და დაწმუნებით გამცნობთ, რომ ასე ფიქრობს ყველა საღად მოაზროვნე ადამიანი ოპოზიციაშიც და ხალხშიც.

ჩვენ ევროპული მედიაციის წარმატებული შედეგით დასრულების გულშემატკივრები ვართ, რაც დემოკრატიის ამუშავებას გულისხმობს და არ ვაპირებთ ვაჭრობას ივანიშვილის ვნებების დასაოკებლად, ეს ოცნებისთვის მომინდია, მე კი European or North Atlantic breakthrough-ის მოლოდინში ვარ! სხვა გზა ივანიშვილისთვის ბევრად მძიმეა და არც ამაზე ვიტყვით უარს, როცა სახელმწიფოს ყოფნა არ ყოფნის ამოცანაა გადასაჭრელი... ეს ჯობია განხორციელდეს მაგიდასთან მეგობრების ჩართულობით, ვიდრე ქუჩაში, პარლამენტთან! ალბათ ხვდება ხელუსუფლება რა არჩევანი აქვს!" - წერს ქარდავა.