ღარიბაშვილი 2010-11 წლებში სინამდვილეში ბერას "სიძელკა“ იყო... 2004-08 წლებში ივანიშვილი მიშაზე მეტად მიშისტი იყო, დედამისი კი არჩევნებზე 5 ნომრიანი შარფით დადიოდა

ღარიბაშვილი 2010-11 წლებში სინამდვილეში ბერას "სიძელკა“ იყო... 2004-08 წლებში ივანიშვილი მიშაზე მეტად მიშისტი იყო, დედამისი კი არჩევნებზე 5 ნომრიანი შარფით დადიოდა - უგულავა

პოლიტიკა - 17:53, 12 Mar, 2021

1327

ევროპული საქართველოს ლიდერი გიგი უგულავა იხსენებს, რომ ფონდ "ქართუსთან" ურთოერთობა წინა ხელისუფლების პირობებში 2008 წლის მერე გაწყდა.
“მარტივად შემიძლია ვთქვა, ღარიბაშვილი ტყუის. არც მე და არც მერიის რომელიმე წარმომადგენელს პერსონალურად არანაირი შეხება არ გვქონია მასთან 2010-12 წლებში. იმიტომ, რომ რეალურად ურთიერთობა ფონდ “ქართუსთან” გაწყდა 2008 წლის მერე. ისევე როგორც ივანიშვილთან. კი, ფონდი “ქართუ მონაწილეობდა 2004-08 წლებში. მიშაზე უფრო მიშისტიც იყო ივანიშვილი და აწ გარდაცვლილი დედამისიც, რომელიც 2008 წლის არჩევნებზე 5 ნომრიანი შარფით დადიოდა.

ბიძინა ივანიშვილს ბადრი პატარკაციშვილთან ძალიან მძიმე ურთიერთობა ჰქონდა და პირდაპირ ეშინოდა. ივანიშვილი ამას არც მალავს და თავის ეპისტოლარულ წერილში ეს აღწერილიც აქვს. 2008 წლის მარტის მერე მასთან ურთიერთობა არ გვქონია. შემდეგ თვითონ გამოვიდა, როდესაც საკნების აქცია იყო, მაშინ ბერა მართლა პატარა იყო, ის გადაადგილდებოდა 2 შავი მანქანით, სამთავრობო მანქანები ეგონათ და გააჩერეს. მაშინ გამოვიდა კომუნიკაციაზე ივანიშვილი და მიშას ეუბნებოდა, რომ უნდა მოვიფიქროთ, ვინ იქნება შემდეგი მმართველიო. მაშინ ეს სერიოზულად არც აღუქვამს. 2009 წლის მერე, სანამ ის გამოვიდოდა პოლიტიკურ ასპარეზზე, მასთან არავითარი კომუნიკაცია აღარავის ჰქონია ხელისუფლებიდან. ერთადერთი საკომუნიკაციო პერსონა იყო გიგა ჩრდილელი, რომელიც “ქართუს” პრეზიდენტი იყო, მას კომუნიკაცია ჰქონდა ჩემთან და არავისთან სხვასთან.

რაც შეეხება ღარიბაშვილს, მე ის პირველად ასე ცოცხლად ვნახე და ეს ბედნიერება მეწვია მაშინ, როდესაც ის შინაგან საქმეთა მინისტრი გახდა და როდესაც ხელისუფლების გადაბარების პროცესი დაიწყო, ეს ხდება 2012 წლის დეკემბერში. რაღაცის უფროსი იყო იქამდე “ქართუში”, მაგრამ სინამდვილეში ის იყო ბერას “სიძელკა”, (ქართულად, როგორ ვთქვა არ ვიცი), ანუ ბერას პროდიუსერიც ეგ იყო, როგორც გაირკვა საქმის “დამკაჩავებელიც”, ვისაც ბერა არ მოსწონდა"- თქვა უგულავამ "ტვ.პირველთან".