"თმის ღერი არავის ჩამოვარდნია, ძვლებში გადამტვრევა ენმ-ს" - კობახიძე სკანდალურ ჩანაწერებში დანაშაულის ნიშნებს ვერ ხედავს

პოლიტიკა - 17:29, 12 Mar, 2021

1390

ტვ. პირველის სკანდალური ჩანაწერი და "ქართული ოცნების" თავმჯდომარის თავის მართლება - ირაკლი კობახიძე ბერა ივანიშვილსა და ირაკლი ღარიბაშვილს შორის სატელეფონო საუბრების ამსახველ ჩანაწერებში, დანაშაულის ნიშნებს ვერ ხედავს.

"თქვენ გახსოვთ, ყოველ ჯერზე, როდესაც ვრცელდებოდა ფარული ჩანაწერები, ყველა, მათ შორის, სახალხო დამცველი, არასამთავრობო ორგანიზაციები, პოლიტიკოსები და ა.შ ითხოვდნენ გამოძიების დაწყებას სწორედ ფარული ჩანაწერების კანონიერებასთან დაკავშირებით და ასეც ხდებოდა ეს. ახლაც მოხდა ზუსტად იგივე. რაც შეეხება დანაშაულის ნიშნებს, ეს არის ოპოზიციის სპეკულაცია. თმის ღერი არავის ჩამოვარდნია"- თქვა კობახიძემ.
ტვ. პირველის მიერ გავრცელებული სკანდალური ჩანაწერების გამოძიების საკითხს რაც შეეხება, კობახიძე აღნიშნავს:

"გამოძიება დაიწყო უკანონო მოსმენასთან დაკავშირებით - ეს არის პირველი, პრინციპული საკითხი და მეორე პრინციპული საკითხი არის ის, რომ რაზეც საუბრობდა ოპოზიცია თმის ღერი არავის ჩამოვარდნია. ჩვენ გვახსოვს ძვლებში გადამტვრეული ადამიანები, იმ ადამიანების მხრიდან, იმ პოლიტიკოსების მხრიდან, რომლებიც ვიღაცებს რაღაცებს აბრალებდნენ. ძვლებში ადამიანების გადამტვრევა, ეს არის "ნაცმოძრაობის" ხელწერა. რაც შეეხება ამ ჩანაწერებს, რაზეც ჰქონდა საუბარი ოპოზიციას, თმის ღერი არავის არ ჩამოვარდნია, რაზეც არის ძალიან მკაფიო ინფორმაცია გასაგები ყველასთვის", - ამბობს ირაკლი კობახიძე