საქართველოს მესამე პრეზიდენტი გავრცელებულ აუდიოჩანაწერებს ეხმაურება. მისი თქმით, პრობლემების მიუხედავად, არც მის შვილებს და არც მისი ოჯახის რომელიმე წევრს პრივილეგიებით არ უსარგებლიათ

"ისე გავზარდეთ ჩვენი შვილები, რომ არავინ არ შეუწუხებიათ საერთოდ, მიუხედავად იმისა, რომ ბევრი პრობლემები იყო. ჩემი შვილებიც დადიოდნენ ისეთ სკოლებში, სადაც სხვისი შვილებიც დადიოდნენ და იმათ ჰქონდათ სახლებიდან ნეგატივი გამოყოლილი, მაგრამ თავის თავს თვითონ იცავდნენ. ჩემი შვილი ედუარდი იყო აღიარებული ხაზარაძის სკოლის საუკეთესო კურსდამთავრებულად მრავალი წლის განმავლობაში, დღემდე მისი რეკორდი არავის არ მოუხსნია. მიუხედავად იმისა, რომ შიგნით ბევრ ადამიანს არ მოსწონდა, ყველა დაბრკოლება გადალახა ისე, რომ ხმა არ აუმაღლებია არასდროს. ძალიან ბევრი "ოცნების" ლიდერის შვილი იყო მის კლასში და მე არ მახსოვს კონფლიქტი ,-თქვა მიხეილ სააკაშვილმა "დღის სტუმარში".