თბილისის მერი, კახა კალაძე ტელეკომპანია პირველთან დაკავშირებით სასამართლოს განჩინებას ეხმაურება და აცხადებს, რომ "ბევრი საკითხი გაზვიადებული იყო და არავინ არსად შევარდნას არ აპირებს".

"პირველი, რაც მინდა ვთქვა, ისაა, რომ კანონის წინაშე ყველანი ვართ თანასწორუფლებიანი. რაც შეეხება იმ კონკრეტულ საკითხს, პირველ რიგში, თქვენ უნდა იყოთ დაინტერესებულნი, რომ გამოძიება რაც შეიძლება სწრაფად და დროულად დასრულდეს კონკრეტულ აუდიოჩანაწერებთან დაკავშირებით.

ამ თემაზე ბევრი განცხადება იყო გაკეთებული. ბევრი კონკრეტული საკითხი იყო გაზვიადებული. ასე რომ, არავინ არსად შევარდნას არ აპირებს, ამას სრული პასუხისმგებლობით გეუბნებით". - ამბობს კალაძე.