​ევროპული საბჭოს პრეზიდენტის, შარლ მიშელის პირადი წარმომადგენელი კრისტიან დანიელსონი ამბობს, რომ მისი საქართველოში ჩამოსვლის მიზანია, დაეხმაროს იმ პროცესს, რომელიც ამჟამად პოლიტიკურ მხარეებს შორის მიმდინარეობს.

"როგორც აქამდე ფასილიტაციას უწევდნენ ელჩი დეგნანი და ელჩი ჰარცელი, ჩვენ ამ ფასილიტაციას ვაგრძელებთ. ევროკავშირისთვის საქართველო ძალიან მნიშვნელოვანია და დიდ ყურადღებას უთმობს. აქ რაც ხდება, მნიშვნელოვანია ევროკავშირისთვის. ჩვენი მხრიდან არის შეშფოთება, რომ პოლიტიკურ ჩიხშია ქვეყანა... გვჯერა, რომ პოლიტიკური მხარეები ყველა ძალას იხმარენ ამ ჩიხიდან გამოსასვლელად, კომპრომისის სახით. მინდა ხაზგასმით აღვნიშნო, რომ ჩემი როლი, როგორც ჰარცელისა და დეგნანის, არის ის, რომ ხელი შევუწყოთ ამ პროცესს...

ეს არის პარტიების, მათი წარმომადგენლების საქმე, რომ მათ თვითონ იპოვონ, ჩვენი დახმარებით, გამოსავალი, რომ გაუმკლავდნენ ამ სიტუაციას და გამოვიდნენ ამ მდგომარეობიდან", - განაცხადა კრისტიან დანიელსონმა.