შემზარავი ფაქტი ქალაქ სენაკში - ა.წ. 29 იანვარს ვაჟმა ორლულიანი თოფიდან ახლო გასროლით დედის მკვლელობა სცადა და დანაშაულის ადგილიდან მიიმალა - ინფორმაციას საქართველოს პროკურატურა ავრცელებს.

პროკურატურის ცნობით, გადაუდებელი სამედიცინო დახმარების შედეგად დაჭრილ დედას სიცოცხლე შეუნარჩუნდა, მას ჭრილობა სხეულის სხვადასხვა არეში აქვს მიყენებული.

"ო.ბ.-ს ბრალდება საქართველოს სისხლის სამართლის კოდექსის 111-19-109 მუხლის მე-2 ნაწილის “დ1” და “ვ” ქვეპუნქტებით წარედგინა, რაც სასჯელის სახედ და ზომად 13-დან 17 წლამდე თავისუფლების აღკვეთას ითვალისწინებს", - ვკითხულობთ პროკურატურის განცხადებაში.

გამოძიება გენდერის ნიშნით შეუწყნარებლობის მოტივით ჩადენილი მკვლელობის მცდელობის ბრალდებით მიმდინარეობს.

სავარაუდო დამნაშავეს სენაკის რაიონულმა სასამართლომ აღკვეთის ღონისძიების სახით პატიმრობა უკვე შეუფარდა.