ოცნების დეპუტატი სოზარ სუბარი ტვ პირველის მასალების ამოღების განჩნებასთან დაკავშრებით განმარტებას აკეთებს და ისევ ოპოზიციისკენ იშვერს ხელს. მისი თქმით, ტელევიზია ოპოზიციას მოლაპარაკების ჩაშლაში ხელს უწყობს. მან მიმართა ჟურნალისტებს და უთხრა, რომ რა ფორმითაც მიაწოდეს აუდიო ფაილები, იმ ფორმით უნდა გადასცენ პროკურატურას:

"მე წეღან ვთქვი, რომ ოპოზიცია ეცდება რაღაც თემა გამოაგოროს, რითაც ეცდებიან მოლაპარაკების ჩაშლას, იმედია, ეს სწორედ ის თემა არ არის და თქვენ ოპოზიციის წისქვილზე არ ასხამთ წყალს.

რა ფორმითაც მოგაწოდეს, იმ ფორმით მიაწოდეთ, თუ თქვენ არ იცით წყაროს ვინაობა, შესაბამისად, პროკურატურასაც ვერაფერს მიაწოდებთ.

შეჭრა ვის ახასიათებდა, კარგად გვახსოვს და კარგად გვახსოვს ტელეიმედში შეჭრის კადრები, გვახსოვს გათიშული ეთერი და მე ვიყავი სახალხო დამცველი, როცა აღვადგენინე "კავკასიის" მაუწყებლობა", - განაცხადა სოზარ სუბარმა.