"ქართული ოცნების" წევრი დავით მათიკაშვილი ირწმუნება, რომ ძალით არავინ არსად შეჭრას არ აპირებს და გამოძიებით პირველ რიგში თავად ტვ. პირველი უნდა იყოს დაინტერესებული. მათიკაშვილის თქმით, მედიამ გამოძიებასთან უნდა ითანამშრომლოს და "ჭიქაში ქარიშხალი" არ უნდა ატეხოს

კითხვები არსებობს და ცხადია, ტელევიზიამ გამოძიებასთან უნდა ითანამშრომლოს ყოველგვარი აჟიოტაჟის მოწყობისა და ჭიქაში ქარიშხლის ატეხვის მცდელობის გარეშე. არსებობს სამართლებრივი რეგულაციები, კონკრეტული სისხლის სამართლის საქმე და კითხვები, რაზეც პასუხი ყველას აინტერესებს, მხოლოდ სამართალდამცავ ორგანოებთან თანამშრომლობის გზით არის შესაძლებელი საქმეზე სიმართლე და ჭეშმარიტება დადგინდეს, რაც ყველა დაინტერესებული მხარის სურვილი უნდა იყოს. არ არის კარგი, როცა ყველა თემაზე პროვოკაციულ ტონალობაში, სპეკულაცია ხდება. ვინ ამბობს ტელევიზიაში შესვლასთან დაკავშირებით? არ შეიძლება, ყველაფერი იყოს პროვოკაციებისა და სპეკულაციების საგანი“ - განაცხადა მათიკაშვილმა.

სასამართლომ პროკურატურას TV პირველიდან მასალების ამოღების უფლება მისცა.