რაგბის კავშირის პრეზიდენტის არჩევნები ხმაურისა და დაპირისპირების ფონზე ტარდება, ამის პარალელურად, "მთავარი არხის" გადამღები ჯგუფის წევრებს დაემუქრნენ, - ამის შესახებ "მთავარის" ჟურნალისტი დავით ერაძე აცხადებს.

"პირდაპირ შემოგვითვალეს "უბნის საძმოს" დანაბარები, რომ ჩვენ აქ ვერაფერს მოვახერხებდით, და ეს ხდებოდა მანამ, სანამ მე ზეპირი ჩართვა მქონდა "დღის სტუმრის" წამყვანთან, ხოლო როცა მე მოვინდომე მათი ნახვა, არცერთი არ დამხვდა ადგილზე, მაინტერესებდა, რა შემონათვალი უნდა ჰქონოდათ და რა უნდოდათ", - თქვა დავით ერაძემ "დღის სტუმარში" ჩართვის დროს.