ოცნების დეპუტატის სოზარ სუბარის თვითმმართველობასთან დაკავშირებულ განცხადებას "ევროპული საქართველოს" წევრი აკაკი ბობოხიძე გამოეხმაურა და განაცხადა, რომ მის ნათქვამს სერიოზულად არ განიხილავს. ბობოხიძის თქმით, "ქართულ ოცნებას" მოუწევს რიგგარეშე არჩევნებზე ისაუბროს:

"სუბარს და "ქართულ ოცნებას" მოუწევს პასუხი გასცეს ჯერ იმ კრიზისს, რომელიც ქვეყანაშია შექმნილი, მოუწევს იმ ექვსპუნქტიანი გეგმის შესრულება, რა პრობლემებიც ჩვენი პარტნიორების მონაწილეობით გამოიკვეთა და რა პროცესებიც ძალიან მალე აქტიურ ფაზაში შევა საქართველოში. ასე რომ, ვიდრე ადგილობრივი თვითმმართველობის არჩევნებზე ვილაპარაკებთ, ჩვენ მოგვიწევს და "ქართულ ოცნებას" იძულებულს გავხდით ილაპარაკოს რიგგარეშე არჩევნებთან დაკავშირებით. მხოლოდ ამის შემდეგ დაიწყებს "ქართული ოცნებაც" და მათ შორის, ოპოზიციური სპექტრიც, მზადებას ადგილობრივ თვითმმართველობის არჩევნებისთვის“, - განაცხადა ბობოხიძემ.

შეგახსენებთ, სურაბმა გააკეთა განაცხადი, რომ "ქართულმა ოცნებამ" დღეს არჩევნებისთვის მზადება დაიწყო.