ღარიბი ქვეყნის მდიდარი ჩინოვნიკები - სახელმწიფო კომპანიებში დასაქმებულთა ანაზღაურებამ ჯამში 428 მილიონი შეადგინა

პოლიტიკა - 13:04, 10 Mar, 2021

1430

ინფორმაციის თავისუფლების განვითარების ინსტიტუტი (IDFI) სახელმწიფო კომპანიების საკადრო და სახელფასო პოლიტიკის შესახებ კვლევას აქვეყნებს, სადაც ნათქვამია, რომ 2019 წელს 14 სახელმწიფო კომპანიის თანამშრომელთა შრომის ანაზღაურებაზე გაწეული ხარჯი 428 მილიონ ლარს შეადგენს, რაც 2018 წლის მაჩვენებელს 9%-ით აღემატება:

"2019 წელს 14 სახელმწიფო კომპანიის თანამშრომელთა შრომის ანაზღაურებაზე გაწეული ხარჯი შეადგენს 428 მილიონ ლარს, რაც 9%-ით აღემატება 2018 წლის მაჩვენებელს.

· სახელმწიფო კომპანიების სახელფასო ხარჯების ზრდის ტენდენცია, უმეტესწილად შენარჩუნებულია კომპანიების არასახარბიელო ფინანსური შედეგების ფონზე. მაგალითად, შპს საქართველოს გაერთიანებული წყალმომარაგების კომპანიაში შრომის ანაზღაურების ხარჯები 2019 წელს გაზრდილია 8%-ით, მაშინ როდესაც კომპანიის ზარალი 85 მილიონს შეადგენდა.

· სახელმწიფო ბიუჯეტიდან სუბსიდიის მიმღები ცალკეული კომპანიები თანამშრომლებზე გასცემენ ბონუსებს. მაგალითად, შპს საქართველოს მელიორაციამ 2018-2019 წლებში ბონუსის სახით გასცა 2,8 მილიონი ლარი, შპს ბლექ სი არენა ჯორჯიამ 1,1 მილიონი ლარი.

· 11 სახელმწიფო კომპანიის მენეჯმენტის ანაზღაურებამ 2019 წელს 9,5 მილიონი ლარი შეადგინა, რაც დაახლოებით 15%-ით აღემატება 2018 წლის მაჩვენებელს" - ნათქვამია განცხადებაში.