ერთიანი ნაციონალური მოძრაობის წარმომადგენლის ბაჩო დოლიძის შეფასებით, გუშინდელმა ინტერვიუმ ბერა ივანიშვილთან, ცხადყო, რომ მთელი სახელმწიფო ინსტიტუციები ერთი ოჯახისთვის მუშაობს.

მისივე თქმით, ამ ინტერვიუმ ლეგიტიმაცია მისცა ხალხის მოთხოვნას ახალ არჩევნებთან დაკავშირებით.

"ამ ინტერვიუთი კიდევ უფრო კარგად გამოჩნდა ივანიშვილის მმართველობის სტილი. ჩვენ დავინახეთ კლასიკური მაგალითი იმისა, თუ როგორ ხდება სახელმწიფო ინსტიტუტების დამონება ერთი ოჯახის სასარგებლოდ.

ბერა ივანიშვილის ინტერვიუმ მეტი დაუცველობისა და უსამართლობის განცდა გააჩინა. შესაბამისად, ჩვენი მოქალაქეების მოთხოვნა, რომ მოხდეს ცვლილება, ყოველდღიურად მეტ ლეგიტიმაციას იძენს" - აღნიშნა დოლიძემ.