რუსეთის საგარეო დაზვერვის სამსახურის ოფიციალურ ვებ-გვერდზე დაზვერვის უფროსის სერგეი ნარიშკინის განცხადება გამოქვეყნდა, სადაც ის საქართველოში მიმდინარე პოლიტიკურ ვითარებაზე საუბრობს.

ნარიშკინის განმარტებით, აშშ მიეჩვია სააკაშვილის დროიდან ქვეყანაში პოლიტიკური პროცესების მართვას, ბოლო პერიოდში კი ოცნების მხრიდან ყველა დირექტივების შეუსრულებლობით ვაშინგტონი უკმაყოფილოა:

"აშშ მიხეილ სააკაშვილის დროიდან მიეჩვია საქართველოში პოლიტიკური პროცესების მართვას და იმის კარნახს, როგორ უნდა იფუნქციონიროს მთავრობამ, რა ხაზი უნდა გაატაროს ოპოზიციასთან მიმართებაში.

ბოლო დროს ვაშინგტონში იზრდება უკმაყოფილება მმართველი გუნდის, ქართული ოცნების მიმართ მიმართ, რომელიც ამერიკულ მოთხოვნებს არ ემორჩილება. თეთრ სახლში გაღიზიანებულები არიან იმის გამო, რომ "მეოცნებეები" სრულად არ ასრულებენ დირექტივას, უსიტყვოდ მისდიონ ევროატლანტიკური ინტეგრაციის კურსს.

ვაშინგტონი ღიად უცხადებს საქართველოს ხელისუფლებას, რომ თეთრი სახლის თბილისთან ურთიერთობის შემდგომი ხაზი დამოკიდებული იქნება საქართველოს მთავრობის მზადყოფნაზე, ზუსტად შეასრულოს ამერიკული მითითებები.

საქართველოს მაგალითი მოწმობს იმაზე, რომ სწრაფვა ცალკეული ნაციონალური ელიტების სურვილი, გამოიყენონ ვაშინგტონის პატრონაჟი თავიანთი ამჟამინდელი ამოცანების გადასაჭრელად სწრაფად იწვევს დე ფაქტო სუვერენიტეტის დაკარგვას და დამოუკიდებელი პოლიტიკის გატარების შესაძლებლობას როგორც საგარეო ასპარეზზე და საკუთარ ქვეყანაში ” - აღნიშნავს ნარიშკინი.