ქუთაისელი მუსიკოსი გივი შალამბერიძე მთავარ არხთან იმ ბულინგზე ისაუბრა, რომელიც ქართული ოცნების მმართველობის პერიოდში არტისტების მიმართ ხორციელდებოდა. მისი თქმით, იმის გამო, რომ წინა ხელისუფლების დროს თითო ოროლა სამთავრობო ღონისძიებაზე გამოსვლა მოუწია, ოცნების მმართველობის პერიოდში სხვადასხვა ღონისძიებაზე დაიბლოკნენ:

"აღელვებული ვართ წლებია უკვე, რა თქმა უნდა, მიმდინარეობს ბულინგი, ამის დამადასტურებელი ფაქტები მეც მაქვს იმიტომ, რომ ჩემი ჯგუფი, რომელიც დაიშალა იმის გამო, რომ სამთავრობო ღონსძიებებზე გამოსვლის საშუალებას არ გვაძლევდნენ. სიმართლე გითხრათ, მე არც გამკვირვებია ეს ყველაფერი. მაღალჩინოსნები ადგილობრივი თვითმართველობიდან მიშას მუსიკოსებს გვეძახდნენ, რადგან ერთი-ორჯერ მოხდა ისე, რომ სამთავრობო ღონისძიებაზე წინა ხელისუფლების დროს მოგვიწია დაკვრა", - განაცხადა შალამბერიძემ.