ირაკლი ღარიბაშვილსა და ანზორ ჩუბინიძეს შორის გავრცელებულ აუდიოჩანაწერებთან დაკავშირებით გამოძიების დაწყების იდეა სისულელეა - ასეთია ქართული ოცნების დეპუტატის მიხეილ ყაველაშვილის შეფასება.

"რა გამოძიება, სისულელეა. რა გამოძიება უნდა დაიწყოს, რაზე უნდა დაინტერესდეს გამოძიება. დამისახელეთ ერთი დევნილი, ან ახალგაზრდა, ნაწამები ან მოკლული ჩვენი ხელისუფლების დროს", - თქვა დეპუტატმა.

ტვ. პირველის მიერ გავრცელებული ჩანაწერების თანახმად, სავარაუდოდ, ირაკლი ღარიბაშვილი, ბერა ივანიშვილი და ანზორ ჩუბინიძე იმ ადამიანების დასჯას გეგმავენ და სავარაუდოდ დავალების შესრულების შემდეგ მას განიხილავენ.

ბერა ივანიშვილი კმაყოფილებას გამოხატავს იმის გამო, რომ მისი გინებისთვის ადამიანები ისჯებიან.