"თუ ოპოზიცია 9 წლის მერე გისმენს, გიწერს, გიქვეყნებს და შენ, რა ჯანდაბას აკეთებ? იმასაც ვერ ახერხებ შენი მეფის შვილის ჩანაწერები არ გამოგიქვეყნონ, თუ გაყალბებულია, რა ჯანდაბას აკეთებ?"- ბურჯანაძე

პოლიტიკა - 13:23, 08 Mar, 2021

945

“ერთიანი საქართველოს” ლიდერი ნინო ბურჯანაძე ამბობს, რომ ხელისუფლებას მოლაპარაკებების ჩაშლის საშუალებას არ მისცემენ.

მისი თქმით, სკანდალური აუდიოოჩანაწერის გავრცელების შემდეგ, ხელისუფლებასთან მოლაპარაკებების დროს, პრემიერი ირაკლი ღარიბაშვილი პარლამენტის თავმჯდომარემ არჩილ თალაკვაძემ უნდა ჩაანაცვლოს.

„ ჩვენ არავითარ შემთხვევაში არ მივცემთ ხელისუფლებას საშუალებას, რომ მოლაპარაკებები ჩაშალოს და ჩვენ დაგვაბრალოს. რა თქმა უნდა, მოლაპარაკებები ყველასთან უნდა განხორციელდეს, მათ შორის, მტერთანაც.

მიმაჩნია, სწორი იქნებოდა ასეთ ვითარებაში ირაკლი ღარიბაშვილი არჩილ თალაკვაძით ჩანაცვლებულიყო. ღარიბაშვილი მეორე დღეა ჩუმად არის იმ ჩანაწერებთან დაკავშირებით, რაც გამოქვეყნდა. როგორც მინიმუმ საზოგადოება იმსახურებს იმას, რომ ტყუილია, თუ მართალი პრემიერმა, საზოგადოებას აუხსნას რაშია საქმე“, -აცხადებს ბურჯანაძე.

ის გამოძიების დაიყოვნებლივ დაწყებას ითხოვს:

„რა ხელისუფლება ხარ, ვაქცინა ვერ შემოგაქვს, ეკონომიკას ვერ უვლი, ოპოზიციას ვერ უვლი, თუ ოპოზიცია 9 წლის მერე გისმენს, გიწერს, გიქვეყნებს და შენ, რა ჯანდაბას აკეთებ, ხელისუფლება რომ ხარ? თუ ვერაფერს აკეთებ და იმასაც ვერ ახერხებ შენი მეფის შვილის ჩანაწერები არ გაგიყალბონ და გამოგიქვეყნონ, თუ გაყალბებულია, რა ჯანდაბას აკეთებ? “ -აცხადებს ბურჯანაძე.