სკანდალური ფარული ჩანაწერების გავრცელების შემდეგ ოპოზიცია კონსულტაციებისთვის კიდევ ერთხელ შეიკრიბა.

ისინი ირაკლი ღარიბაშვილის მონაწილეობით ხელისუფლებასთან მოლაპარაკების წინააღმდეგები არიან.

აქვე მათი თქმით, დიალოგი აუცილებლად უნდა გაგრძელდეს, თუმცა ღარიბაშვილთან ისინი დაჯდომას არ აპირებენ.

გამარჯვებული საქართველოს წევრი, გურამ ჩალაგაშვილი თვილის, რომ "ირაკლი ღარიბაშვილს მორალური და ზნეობრივი უფლება არ აქვს, საერთოდ გამოჩნდეს მედიასთან ან რამე სახის მოლაპარაკება აწარმოოს".

"მაგიდის მეორე მხარეს ვინ იჯდება, ამას, ჩემი პირადი აზრით, არავითარი მნიშვნელობა არ აქვს. ვინც გადაწყვეტილებას იღებს, ის ადამიანი იქ არ მოდის - ბიძინა ივანიშვილი. ამიტომ, იქ ღარიბაშვილი იჯდება, კობახიძე თუ მდინარაძე, დიდი მნიშვნელობა არ აქვს. უბრალოდ, მგონია, რომ ირაკლი ღარიბაშვილს მორალური და ზნეობრივი უფლება არ აქვს, საერთოდ გამოჩნდეს მედიასთან ან რამე სახის მოლაპარაკება აწარმოოს". - უთხრა მედიას ჩალაგაშვილმა.