"ბერა ლადოზე ჩანაწერში ამბობს, რომ ის 23 წლის "ვზროსლია", დღეს კი ლადო ბენდიანიშვილი 27 წლისაა..." - რეპორტაჟის ავტორის არგუმენტები, რატომ არის ჩანაწერი 2012 წლის შემდეგ გაკეთებული

საზოგადოება - 02:36, 08 Mar, 2021

3237

გამომძიებელი ჟურნალისტი, აუდიოჩანაწერების სიუჟეტის ავტორი მაკა ჩიხლაძე ეხმაურება განცხადებას, რომ გავრცელებული სკანდალური აუდიოჩანაწერი "შეკოწიწებულია" და 2010-2011 წელსაა გაკეთებული. რეპორტაჟის ავტორი, აღნიშნულ განცხადებებს არ იზიარებს და ამბობს, რომ არსებობს რამდენიმე არგუმენტი, რაც ამყარებს ვერსიას, რომ ჩანაწერი 2012 წლის შემდეგაა გაკეთებული:

"თუ გავითავალისწინებთ ფიგურანტებს, ანუ დასასჯელ ადამიანებს, ეს არის ერთი და იგივე პერიოდში ჩაწერილი საუბარი. ერთ ნაწილში ბერა იძლევა დავალებას, ურეკავს ანზორ ჩუბინიძეს, შემდგ ანზორ ჩუბინიძე რეკავს ღარიბაშვილთან და ამბობს, რომ ბერას დავალება რამდენად სწორია, იმიტომ, რომ ზუსტად არ იცის ნამდვილად შეაგინა თუ არა ამ ადამიანმა მას დედა და მესამე ნაწილში ურეკავს ბერა ანზორ ჩუბინიძეს, რომ გაარკვიოს რა ქნა მის დავალებაზე.

მეოთხე ნაწილი ყველაზე ვრცელია, სადაც ირაკლი ღარიბაშვილი და ბერა განიხილავენ ანზორ ჩუბინიძის შესრულებულ დავალებას" -ამბობს მაკა ჩიხლაძე "მთავარ აქცენტებში.

გარდა ამისა, ჩიხლაძის თქმით, ლადო ბენდიანიშვილზე ბერა ჩანაწერში პირდაპირ ამბობს, რომ ის 23 წლის "ვზროსლია", დღეს კი ბენდიანიშვილი 27 წლისაა.

"კიდევ ერთი ვარაუდი თარიღთან დაკავშირებით ჩანაწერის ის ნაწილია, სადაც ბერა "მიგალკებიან " მანქანებზე და შეიარაღებულ პირებზე საუბრობს და პოლიციის მანქანებს ახსენებს.

და მესამე ნაწილი, ზუმერი - ტრის დაყენებასთან დაკავშირებით. ის ღარიბაშვილს ეუბნება, რომ კარგი იქნება თუ ამ ზუმერს დაიყენებ იმიტომ, რომ მინისტრები რომ დაგირეკავენ ჩემი "ვეში" გაჟღერდება. არ ვიცი 2011 წელს რომელ მინისტრს და რატომ უნდა დაერეკა ღარიბაშვილისთვის"- ამბობს მაკა ჩიხლაძე "მთავარ აქცენტებში" საუბრისას.