"ოცნების" ერთ-ერთი ლიდერი, მამუკა მდინარაძე ამბობს, რომ ტვ პირველის ეთერში გამოქვეყნებული ფარული ჩანაწერები პასუხია ეუთო/ოდირის ​საბოლოო დასკვნაზე, რომელიც, მისი შეფასებით, 2020 წლის არჩევნების შესახებ ძალიან პოზიტიური იყო.

საქმე ეხება ბერა ივანიშვილის საუბარს ირაკლი ღარიბაშვილთან და ანზორ ჩუბინიძესთან - ივანიშვილი მათ არასრულწლოვნებზე ძალადობას ავალებს და დასჯის შედეგებს განიხილავს.

"იციან, რომ მათი მხრიდანაც გადმოსადგმელია ერთი კომპრომისული ნაბიჯი მაინც. მათი ნაწილი განიხილავს კიდეც ასეთი წინადადების უახლოეს დღეებში დაყენებას.

და რას აკეთებს ,,ის’’, ვისაც შეთანხმების გაგონებაც არ უნდა - შავი არქივიდან იღებს ძველ ფარულ ჩანაწერებს, ჩეხავს, ამონტაჟებს, ცვლის კონტექსტს, შინაარსს და ამ გაყალბებული რეალობით ხელახლა ცდილობს ხალხის გაბრაზებას, - რადგან წინა რამდენიმე მცდელობამ არ გაამართლა.

სახელი: საინფორმაციო ტერორი საბჭოთა, ,,კაგებეშნიკური" მეთოდებით საკუთარი მოსახლეობის წინააღმდეგ.

მიზანი: მოლაპარაკების ჩაშლა, რევანში, სახელმწიფოს ჩამოშლა და ხელისუფლების ხელში ჩაგდება.

შედეგი: მორიგი წარუმატებელი მცდელობა". - წერს მამუკა მდინარაძე.

მისივე თქმით, მიუხედავად ამისა, მმართველი გუნდი "არ აპირებს რადიკალიზაციაში ჩაყოლას".

"მოლაპარაკების მაგიდასთან ველით მათ თუნდაც ერთ კომპრომისულ წინადადებას.

ქვეყანა აგრძელებს სტაბილურ, დემოკრატიულ განვითარებას და სწრაფვას ევროპული ოჯახის სრულფასოვანი წევრობისაკენ. ამას წინ ვერანაირი "კარგად გადაფუთული" ტყუილები ვერ დაუდგება!". - ამბობს ის.