პოლიტიკოსი ელენე ხოშტარია ტვ პირველზე გასულ სიუჟეტს ფორმულას ეთერში გამოეხმაურა და განაცხადა, რომ ოლიგარქი ივანიშვილი თავის შვილს ქვეყნით თამაშის უფლებას აძლევს. მისი განმარტებით, ქართული ოცნების მმართველობის პირობებში ბრძოლის ეს მეთოდი ჩვეულებრივ დაშვებულია:

"ოლიგარქი თავის შვილს აძლევს ქვეყნით თამაშის, ქვეყნის შეურაცხყოფის უფლებას და ძალოვანი პირველი პირები და პრემიერმინისტრი არიან ამ ყველაფრით დაკავებული. ის რომ ქართული ოცნების პირობებში, ეს ბრძოლის მეთოდი არის ჩვეული მეთოდი, ამაზე დავაც არ არის საჭირო. მე რომ მსგავსი ჩანაწერი მქონოდა, მას აუცილებლად გამოვაქვეყნებდი" - განაცხადა ხოშტარიამ.