ნიკა მელიას შეუძლია საპატიმრო ნებისმიერ წუთს დატოვოს, ეს მხოლოდ მის მოქმედებაზე და ნებაზეა დამოკიდებული - ამის შესახებ ფრაქცია "ქართული ოცნების" თავმჯდომარემ მამუკა მდინარაძემ ოცნების პოლიტსაბჭოს სხდომის დასრულების შემდეგ გამართულ ბრიფინგზე განაცხადა.

მისი თქმით, მმართველ გუნდში საერთაშორისო პარტნიორების მხრიდან მხოლოდ მხარდაჭერას გრძნობენ:

"ჩვენ უდიდეს მხარდაჭერას ვგრძნობთ ჩვენი პარტნიორების მხრიდან, რომ ქართული სახელმწიფოს ინტერესები იყოს პრიორიტეტული და ყველაზე მაღალ რეგისტრში აყვანილი და არა რომელიმე კონკრეტული პოლიტიკური პარტიის. სახელმწიფოს ინტერესები ემთხვევა ყველაზე უფრო პრაგმატულ და კომპრომისულ წინადადებებს, რომლის შედეგი დიალოგი უნდა იყოს, რასაც არ აქვს ალტერნატივა. რაც შეეხება ნიკა მელიას, მარტივად შეგვიძლია ვთქვათ, ყოველ წუთს მას საშუალება აქვს დატოვოს საპატიმრო, ეს მხოლოდ მის მოქმედებაზე და ნებაზეა დამოკიდებული", - განაცხადა მდინარაძემ.