"ქართული ოცნების" პოლიტსაბჭოს სხდომა დასრულდა

პოლიტიკა - 21:17, 06 Mar, 2021

1257

"ქართული ოცნების" პოლიტსაბჭოს სხდომა, რომელსაც პრემიერ-მინისტრი ირაკლი ღარიბაშვილი და შს მინისტრი ვახტანგ გომელაური ესწრებოდა, უკვე დასრულდა.

ფრაქცია "ქართული ოცნების" თავმჯდომარის მამუკა მდინარაძის თქმით, შეხვედრაზე მიმდინარე პოლიტიკური საკითხები განიხილეს, ასევე ისაუბრეს დიალოგზე, ეკონომიკის კრიზისიდან გამოსვლის გეგმაზე, ვაქცინასა და "წითელი პრესის" საინფორმაციო დევნაზე. მდინარაძე იმედს გამოთქვამს, რომ ოპოზიცია უახლოეს პერიოდში კომპრომისულ ნაბიჯებს გადადგამს:
"ჩვენ გვაქვს გონივრული მოლოდინი და გარკვეული ინფორმაციებიც კი, რომ უახლოეს დღეებში, მომდევნო 2-3 დღის განმავლობაში ოპოზიციის წარმომადგენლები გარკვეულ კომპრომისულ ნაბიჯს გადმოდგამენ და ისინი დააყენებენ კონკრეტულ წინადადებებს. როგორც ჩვენ ვამბობდით ამ დღეების განმავლობაში, იქნება მართლაც კომპრომისული, პრაგმატული ნაბიჯები, რაზეც შეიძება მსჯელობა. კომპილაციური დოკუმენტი, რომელიც 6 სხვადასხვა პუნქტს შეიცავს არის სხვადასხვა საკითხები, რასთან დაკავშირებითაც შეუძლებელია მსჯელობა, თუმცა გარკვეული დათქმების შემდეგ შეიძლება ამაზე მსჯელობა. არის საკითხები, რაზეც დათქმების გარეშე შეიძლება მსჯელობა და არის საკითხები, რაზეც უკვე რეალიზებაშია მოყვანილი, მაგალითად, საარჩევნო რეფორმა" - განაცხადა მდინარაძემ.