ოცნების დეპუტატის შალვა პაპუაშვილის განცხადებით, დასავლეთის მხრიდან სანქციების დაწესების საფუძველი არ არსებობს. მისი თქმით, ოპოზიცია ცარიელ ჰაერზე საუბრობს, როდესაც სანქციებს ახსენებს:

"ეს გახლავთ ჩვენი ოპონენტების მხრიდან კიდევ ერთხელ საუბარი ცარიელ ჰაერზე, ისე, რომ ამის არანაირი არგუმენტი არ აქვთ. საუბარი ბევრი შეუძლიათ, თუმცა, იმის საფუძველი, რაიმე რისკი, რომ ვინმეს, ქვეყანას რამე სანქცია დაუწესდეს, არ არსებობს. ჩვენი ოპონენტები თავისი განცხადებებით და ქმედებებით, ზოგადად აფერხებენ ქვეყნის განვითარებას და აზიანებენ ჩვენი ქვეყნის ინტერესებს ქვეყნის გარეთ. ეს მათი მოქმედების ერთ-ერთი ტაქტიკაა, რომ რაც შეიძლება მეტი ზიანი მიაყენონ ქვეყანას, რომ ამ ზიანმა გამოიწვიოს უკმაყოფილება, როგორც ქვეყნის შიგნით, ასევე ქვეყნის გარეთ. ამ უკმაყოფილებამ გამოიწვიოს მღელავრება, ამ მღელვარებამ გამოიწვიოს პროტესტი და შემდეგ ამ პროტესტის ტალღაზე იქნებ, რამენაირად შეძლონ ძალაუფლების მოპოვება", - განაცხადა პაპუაშვილმა.