უკვე რამდენიმე თვეა, ზესტაფონში მთავარი ქუჩები გადათხრილი და მიტოვებულია. აქ რეაბილიტაცია ჯერ კიდევ არჩევნებამდე დაიწყო, თუმცა, არჩევნების შემდეგ მისი გაკეთება საჭიროდ აღარავინ ჩათვალა.

მოსახლეობა, რომელსაც ისედაც მძიმე ეკოლოგიურ პირობებში უწევს ყოფნა, არსებულ სიტუაციას აპროტესტებს და შველას ითხოვს:

"სამი მთავარი ქუჩაა გადათხრილი და პარალიზებულია და თანაც ეს ქალაქი ეკოლოგიურად ისედაც მძიმე მდგომარეობაშია და მტვერი დგას", - განაცხადა აქციის ერთ-ერთმა მონაწილემ ოთარ მაღლაკელიძემ.

"ყველაფერი არეულია ამ ერთი ცენტრალური გზის გამო. უნიათო და უტვინო მთავრობა, მაპატიეთ ამ გამოთქმაზე, რა გააკეთეს საერთოდ?", - აღნიშნა აქციის კიდევ ერთმა მონაწილემ ქეთევან რობაქიძემ.

ზესტაფონის მოსახლეობის აქციას ოპოზიციაც შეუერთდა.