მორიგი თავდასხმა ჟურნალისტზე - მესტიაში კორესპონდენტს ავტომობილი დაუზიანეს

პოლიტიკა - 14:05, 06 Mar, 2021

1323

მორიგი თავდასხმა მოხდა ჟურნალისტზე - მესტიაში "მთავარი არხის" კორესპონდენტს ემა გოგოხიას ავტომობილი დაუზიანეს.

ჟურნალისტი მესტიის მერის, მაჟორიტარი დეპუტატისა და მათი გარემოცვის კორუფციულ სქემაზე სიუჟეტს ამზადებდა, რის გამოც მისი მისამართით ჯერ მუქარა წამოვიდა, შემდეგ კი ავტომობილის დაზიანება მოჰყვა.
მომხდართან დაკავშირებით მთავარი არხის გენერალური დირექტორი ნიკა გვარამია სოციალურ ქსელში პოსტს აქვეყნებს:

"ჩვენი ჟურნალისტი, ემა გოგოხია, გუშინ იღებდა სიუჟეტს ვიქტორ ჯაფარიძის და მესტიის მერის, კაპიტონ ჟორჟოლიანის ქონებაზე და უკანონო ტენდერებზე. ინფორმაციის წყარო იყო საერთაშორისო გამჭვირვალობა-საქართველო მიერ გამოქვეყნებული დასკვნა. ჟურნალისტმა ვერ მოასწრო სიუჟეტის დასრულება და ღამე მოუწია მესტიაში დარჩენა. ღამე დაურეკა კაპიტან ჟორჟოლიანმა, შესთავაზა ფული და მოსთხოვა ქვეყნის დატოვება, რაზეც მიიღო უარი. დილით, სახლიდან გამოსულ ჩვენს ჟურნალისტს მანქანის ოთხივე საბურავი დაჭრილი დახვდა. ჩვენი სრული მხარდაჭერა და უდიდესი სიყვარული უმაგრეს ემა გოგოხიას.დაუყოვნებლივ მოვითხოვთ, აღნიშნული მოხელის უმკაცრესად დასჯას საქართველოს პროკურატურა / The Prosecution Service of Georgia Nino Lomjariaმედია ტერორის წამხალისებელი ქართული ოცნება / Georgian Dream აუციებლად აგებს პასუხს ამ ყველაფრისთვის, რასაც ჩადის" - წერს გვარამია ფეისბუკის საკუთარ გვერდზე.