კითხვაზე: "გამორიცხავს თუ არა, რომ ახალ პოლიტიკურ გუნდში "სტრატეგია აღმაშენებლისა“ და ელენე ხოშტარიას გარდა სხვა ოპოზიციური ლიდერები, მათ შორის ზურაბ გირჩი ჯაფარიძეც იყოს" - "ლელოს" ერთ-ერთი ლიდერი, ბადრი ჯაფარიძე აცხადებს, რომ შესაძლოა , "რატომაც არა".

მისივე თქმით, ახალი გუნდი იქნება ალტერნატიული და არა მესამე ძალა.

"რატომაც არა, ჩვენ ღია პლატფორმა გვაქვს და გვინდა ის ადამიანები შემოვიკრიბოთ, რომლებიც მსოფლმხედველურად ვემთხვევით და ვიზიარებთ ერთნაირ მიდგომებს რიგი საკითხების მიმართულებით. ასე რომ, ეს ღია პლატფორმაა. ეს იქნება არა მესამე, არამედ ალტერნატიული პოლიტიკური ძალა. ჩვენ უფრო მეტზე გვაქვს პრეტენზია, ვიდრე მესამე პოლიტიკური ძალაა“,- განაცხადა ჯაფარიძემ "360 გრადუსში".