"ევროპული საქართველოს" ერთ-ერთი ლიდერი, გიგი უგულავა აცხადებს, რომ "ოცნებისგან" არაფერი გაუკვირდება - მისივე თქმით, არ გაუკვირდება "ღარიბაშვილი ჩავიდეს და ასოცირების სხდომის პარალელურად მოლბერტები ჩაიტანონ და იქ "სისხლიანი 9 წლის" გამოფენა მოაწყონ".

თუმცა, იმედოვნებს, რომ მის იდეას არ მოპარავენ და მართლა არ გააკეთებენ ამ სიგიჟეს.

"ამათგან არაფერი არ გაგვიკვირდება. ისიც არ გამიკვირდება, ღარიბაშვილი ჩავიდეს და ასოცირების სხდომის პარალელურად მოლბერტები ჩაიტანონ და იქ "სისხლიანი 9 წლის" გამოფენა მოაწყონ. იმედია ჩემ იდეას არ გადაიღებენ და მართლა არ გააკეთებენ ამ სიგიჟეს.

სინამდვილეში ისიც რთულია, რომ ფსიქოანალიზი გაუკეთო ბატონ ვოლსკის და მის გამონათქვამებს. სოზარიც ჩემპიონია აბდა-უბდას ლაპარაკში. სამარცხვინოა, როდესაც ყოფილი ომბუდსმენი ყველაზე აგრესიული პატიმრების მიმართ არის. დავანებოთ თავი იმას პოლიტპატიმარია თუ არა. ესეც სიმპტომია, რომ ადამიანი ფარისეველი იყო მაშინაც და ფარისეველი/მატყუარაა ახლაც" ,- ამბობს უგულავა "ტვ პირველთან".