"ქართული ოცნების" წევრი, სოზარ სუბარი აცხადებს, რომ მმართველი გუნდი 2 კვირაში ბრიუსელში კონკრეტული 6 პუნქტიანი გეგმით ჩადის - მისივე თქმით, პირველი არის ამბიციური საარჩევნო რეფორმა.

სუბარმა განმარტა, რომ არსებობს პუნქტები, რომელზეც შეთანხმება ვერ შედგება, ასეთია პოლიტპატიმრების თემა.

"ჩვენ, ორ კვირაში ბრიუსელში 6 პუნქტიანი გეგმით მივდივართ, პირველი არის ამბიციური საარჩევნო რეფორმა, პარლამენტში შემუშავებულია მოდელი, რაშიც ჩართულები არიან არასამთავრობო ორგანიზაციები.

მეორე არის, კანონის უზენაისობა, ესეც ითხოვს პარლამენტის მუშაობაში მონაწილეობას. ეს რეფორმა არ შეჩერებულა, ეს რეფორმა მიდის. მაგიდასთან დასხდომას მოიაზრებს ეს და მაგიდასთან უნდა მოვიდეს ოპოზიცია.

მესამე არის პოლიტიკური მართლმსაჯულება და პოლიტპატიმრები, რაზეც დათანხმება შეუძლებელია, რადგან არანაირი პოლიტიკური მართლმსაჯულება ამ ქვეყანაში არ არსებობს.

ჩვენ ვსაუბრობთ, რომ არის ექვსი პუნქტი. ექვსიდან ხუთ პუნქტზე მიდის მოლაპარაკებები. მეექსვე არის პოლიტიკური მართლმსაჯულება, რაზეც დათანხმება არის შეუძლებელი,"- აღნიშნა სოზარ სუბარმა "რუსთავი 2"-ის ეთერში.