ერგნეთში, 6 საათიანი მოლაპარაკებებზე შეთანხმება ვერ შედგა - მეტიც, საოკუპაციო რეჟიმმა ულტიმატუმი წამოაყენა - ოფიციალური თბილისისგან ჩორჩანა-წნელისთან განთავსებული საგუშაგოს გაუქმებას ითხოვს.

თუმცა, ტყვეებს კვლავ არ ათავისუფლებს.

ინციდენტების პრევენციისა და მათზე რეაგირების შეხვედრის მორიგი რაუნდი 23 აპრილს ჩაინიშნა.

ცნობისთვის, ერგნეთში 5 თვის შემდეგ განახლებული შეხვედრა აფეთქებების და სროლების ფონზე მიმდინარეობდა. ოკუპირებულ ტერიტორიაზე რუსეთი მასშტაბურ სამხედრო წვრთნებს ატარებს.