პარლამენტის პლენარულს სხდომაზე, სადაც შს მინისტრის ვახტანგ გომელაურს "მინისტრის საათის" ფორმატის ფარგლებში უსმენენ, სადაც კითხვა-პასუხის რეჟიმში სოზარ სუბარიც გამოვიდა. ოცნების დეპუტატმა გომელაურის პროფესიონალიზმს გაუსვა ხაზი და ნიკა მელიას დაკავების სპეცოპერაციას შეეხო:

"კიდევ ერთი საკითხი, რომელსაც მინდა შევეხო, ეს არის ბოლო დროის ყველაზე გახმაურებული თემა და ეჭვი მაქვს, რომ კიდევ დიდხანს მოჰყვება ხმაური, არის ნიკა მელიას დაკავება. მთელი საქართველო და არა მხოლოდ საქართველო პირდაპირ ეთერში უყურებდა და შემიძლია, ყოველგვარი თამაშის გარეშე ვთქვა, რომ ეს იყო უმაღლეს პროფესიულ დონეზე შესრულებული ოპერაცია, როდესაც არც ერთ ადამიანს არ მიუღია არანაირი დაზიანება, ყოველ შემთხვევაში სერიოზული დაზიანება მაინც არავის მიუღია" - განაცხადა სუბარმა.