ოცნების დეპუტატი ირაკლი ზარქუა პლებისციტის მოდელის ვერსიას ეხმაურება და აცხადებს, რომ აღნიშნულ მოდელზე თანხმობა უმრავლესობას არ მიუცია. მისი თქმით, არსებობს ადგილობრივი არჩევნები და ამას "გინდ პლებისციტი, გინდ მეორედ მოსვლა დააქრვან", შედეგები სწორედ იქ გამოიკვეთება:

"ჩვენ მზად ვართ დიალოგისთვის, რომ დავხდეთ და ვისაუბროთ პლებისციტის თემა შემოაგდეს, რომელზეც ჩვენ თანხმობა არ მიგვიცია და ამაზე არც ყოფილა საერთოდ საუბარი, თუმცა, თვითონ წამოჭრეს თემა, შემდეგ სააკაშვილი გამოვიდა და თვითონ დაგმო ეს ყველაფერი, ასე ჭრელო პეპელაა, თვითონ ჩამოყალიბდნენ ჯერ, რა უნდათ, როგორ უნდათ, მერე მობრძანდნენ და წარმოადგინონ თავიანთი პოზიციები. პლებისციტის აუცილებლობას და საჭიროებას ვერ ვხედავ და თუ ვინმეს უნდა გაზომოს თავისი ნდობა საზოგადოებაში, აგერ არის ადგილობრივი არჩევნები და გინდა პლებისციტი დაარქვან, გინდა არჩევნები და გინდა მეორედ მოსვლა. ეს მათი არჩევანია რას დაარქმევენ. ჩვენ მზად ვართ საარჩევნო რეფორმა განვახორციელოთ და კონკრეტული ნაბიჯებიც გადავდგით. მზად ვართ მეტი ვისაუბროთ ღიაობაზე, გამჭვირვალობაზე, დანარჩენი თვითონ ჩამოყალიბდნენ, რა უნდათ და როგორ უნდათ, კონსტრუქციულობას არ უნდა გავცდეთ და არ მოიჭრას თავი ოპოზიციამ საერთაშორისო ასპარეზზე,"- აცხადებს ზარქუა.