პარტია "მოქალაქეების" ერთ-ერთი ლიდერის ლევან იოსელიანის განცხადებით, პლებისციტის ხაფანგში ოპოზიციამ თავი არ უნდა გაყოს, რადგან აუცილებლად დამარცხდება. როგორც მან განმარტა, "მოქალაქეები" პლებისციტის მოდელს მხარს არ დაუჭერენ:

"პლებისციტთან დაკავშირებით ჩემი და ალეკოს პოზიცია იყო უარყოფითი. მიმაჩნია, რომ პლებისციტი ეს არის ხაფანგი, რომელშიც თუ ოპოზიცია გაყოფს თავს, აუცილებლად დამარცხდება. პლებისციტს არ ვემხრობი, ოპოზიციამ ეს კარგად იცის, ცუდი გამოსავალია ოპოზიციისთვის.

პოლიტიკური კრიზისი რამენაირად უნდა იყოს დაძლეული. ამისთვის მოლაპარაკებები გარდაუვალია. იმედი მაქვს, ეს მოლაპარაკებები გაგრძელდება. ჩვენი პარტიული ინტერესი დღეს გვერდზე უნდა გადავდოთ. კომპრომისული ნაბიჯები უნდა გადავდგათ, ხელისუფლებამ და ოპოზიციამაც თავისი წილი პასუხისმგებლობა უნდა იკისროს", - განაცხადა იოსელიანმა.