ტიკარაძე მსოფლიო ბანკის Covid-19-სთვის განკუთვნილი თანხით 12 მანქანის შეძენას გეგმავს

პოლიტიკა - 17:17, 04 Mar, 2021

2205

ავტომობილი სედანი - 7 ერთეული;

ავტომობილი მინივენი - 1 ერთეული;

ავტომობილი პიკაპი - 1 ერთეული;

ჯიპის ტიპის ავტომობილი (Off Road) - 3 ერთეული - ჯანდაცვის სამინისტრო მსოფლიო ბანკისგან მიღებული სახსრებით 12 ერთეული ავტომაქანის შეძენას გეგმავს. უწყება გადაწყვეტილებას ჯანდაცვის ეროვნული სააგენტოს თანამშრომლების ფუნქცია-მოვალეობები სრულფასოვნად შესრულებით ხსნის.

აღსანიშნავია, რომ დონორის პროექტი COVID-19-ის წინააღმდეგ სწრაფ რეაგირებას ითვალისწინებს, მათ შორის, იგულისხმება პანდემიით გამოწვეული საფრთხეების პრევენცია, გამოვლენა და რეაგირება.

განცხადების თანახმად, რეკონსტრუქციისა და განვითარების ბანკსა და აზიის განვითარების ბანკთან დადებული ხელშეკრულებების ამოცანების "ეფექტურად განსახორციელებლად" ცხადდება "ფასთა კოტირება" 12 ავტომანქანის შესასყიდად. მათი ფასი ჯერჯერობით სატენდერო დოკუმენტაციაში აღნიშნული არ არის. ცნობილია, რომ წინადადებების მიღება 5 მარტს სრულდება.

ჯანდაცვის სამიმინისტროში ამბობენ, რომ მათ ბალანსზე, ჯამში, 3 გაფუჭებული და 5 მუშა მდგომარეობაში მყოფი ავტომობილი ირიცხება.

ტიკარაძის უწყების თქმით, ავტომობილები სააგენტოს საჭიროებებს მოხმარდება, კერძოდ, საყოველთაო ჯანდაცვის პროგრამას, მონიტორინგის დანაყოფის კლინიკებში ტრანსპორტირებას ინსპექტირებისთვის და საკარანტინო სივრცეებში სამედიცინო პერსონალის ტრანსპორტირებას.

"იმისთვის, რომ სააგენტოს თანამშრომლებმა ფუნქცია-მოვალეობები სრულფასოვნად განახორციელონ, უკიდურესად მნიშვნელოვანია მათი ავტომობილებით უზრუნველყოფა. მსოფლიო ბანკმა ჯეროვნად შეაფასა არსებული პრობლემები და საჭიროებები და გაითვალისწინა ჯეს-ის თხოვნა 12 ავტოსატრანსპორტო საშუალების შეძენის თაობაზე", - აცხადებენ სააგენტოში.