პარლამენტის თავმჯდომარის არჩილ თალაკვაძის განცხადებით, ოპოზიციის ბოიკოტი შეცდომა იყო. მისი განმარტებით, დემოკრატია პროცესებში მონაწილეობას მოითხოვს, ოპოზიციის მხრიდან ბოიკოტი კი დემოკრატიის პრინციპებს ეწინააღმდეგება:

"კიდევ ერთხელ მინდა მივმართო ოპოზიციის იმ ნაწილს, ვინც ჯერ კიდევ რჩება ბოიკოტის რეჟიმში და სხვათაშორის, გუშინ ძალიან საინტერესო დისკუსია გაიმართა, ბატონი გიროგი ხელაშვილი მონაწილეობდა ატლანტიკური საბჭოს ორგანიზებით, სადაც ჩვენმა პარტნიორებმა პირდაპირ თქვეს და მათ შორის ქართველმა მონაწილეებმაც ოპოზიციიდან, რომ ბოიკოტი - ეს იყო შეცდომა. ჩვენ ყოველთვის ამას ვამბობდით, რომ დემოკრატია მოითხოვს მონაწილეობას და მონაწილეობაზე უარის თქმა, ეს არის დემოკრატიული პრინციპების წინააღმდეგ გადადგმული ნაბიჯი", - განაცხადა თალაკვაძემ.