საქართველოს მესამე პრეზიდენტი მიხეილ სააკაშვილი ქვეყანაში შექმნილ პოლიტიკურ ვითარებას სოციალური ქსელის საშუალებით ეხმაურება და ვიდეო მიმართვას ავრცელებს. მისი განცხადებით, ივანიშვილი იძულებული გახდება, ნიკა მელია მალე გაათავისუფლოს, რადგან, წინააღმდეგ შემთხვევაში მას სხვადასხვა სანქციები დაეკისრება:

"თუ ის ამას არ იზამს, ზუსტად ვიცი, რომ მას დაუდეს წინ პირდაპირი მუქარა სანქციების, მისი ქონების უმეტესი ნაწილი იქნება პრაქტიკულად გაყინული და ჩამორთმეული, და მის მიმართ იქნება მიღებული სხვა ზომები. ამიტომ უახლოესი მაქსიმუმ კვირეების და პრინციპში დღეების განმავლობაში ჩვენ ველით ნიკა მელიას უპირობო გათავისუფლებას ყოველგვარი მანიპულაციების გარეშე", - განაცხადა საკაშვილმა.