მშვიდობიანი საპროტესტო მსვლელობა, რომელიც რესპუბლიკის მოედნიდან რუსთავის მე-12 სასჯელაღსრულების დაწესებულებბისკენ მოეწყობა, ცოტა ხანში დაიწყება. ადგილზე უკვე იკრიბებიან ოპოზიციის წარმომადგენლები და აქტივისტები. აქცია ენმ-ს თავმჯდომარის ნიკა მელიას მხარდასაჭერად იმართება.

ოპოზიციამ კანცელარიის შენობის პიკეტირების ნაცვლად, გადაწყვიტა მშვიდობიანი აქცია მოწეყო, რათა ღარიბაშვილსა და ოცნების გუნდს მოლაპარაკების ჩაშლის საბაბი არ მიეცა.

ოპოზიციის წარმომადგენლების განცხადებით, ხელისუფლება ცდილობს სხვადასხვა მიზეზი გამოძებნოს, რომელიც დიალოგს ჩაშლის, რადგან წინა დღეებში ოცნების გუნდის წარმომადგენლებისან კეთდებოდა განცხადებები, რომ ოპოზიცია დესტრუქციულად იქცევა და ქვეყანა პოლიტიკურ ჩიხში შეჰყავს:

"პრინციპული განცხადებები ამასთან დაკავშირებით გაკეთებული გვაქვს, ვნახავთ რა ნაბიჯებს გადადგამს ხელისუფლება, რა დათმობებზე წამოვა და ეს გაგვიხსნის გზას, ვილაპარაკოთ იმაზე, თუ როგორ ფორმას მიიღებს აქციები, როგორ გაგრძელდება", - განაცხადა "ევროპული საქართველოს" წევრმა ლაშა დამენიამ.

"ახლა საბაბს ეძებენ, რომ ჩაშალონ ეს შეხვედრები, კუთხეში არიან მომწყვდეული. აქედან გამომდინარე, ოპოზიციის მხრიდან ყველაფერი გაკეთდება, რათა შეირჩეს აქციების ისეთი ფორმატი, სადაც შეხებაც კი არ იქნება პოლიციასთან", - აღნიშნა ლეიბორისტული პარტიის ლიდერმა გიორგი გუგავამ.