"ოცნების" სატელიტი პარტიის "ევროპელი სოციალისტების" ერთ-ერთი ლიდერი დავით ზილფიმიანი დარწმუნებულია, რომ გამოკითხვის ჩატარების შემთხვევაში, არჩევნებში მხოლოდ ორი პარტია - ენმ და "ევროსოციალისტები" რომ იღებდეს მონაწილეობას, მისი გუნდი ნაციონალურ მოძრაობას აუცილებლად მოუგებს, რადგან ამ უკანასკნელმა რეიტინგი დაკარგა. ის ასევე თვლის, რომ საგამოძიებო კოისიის შედეგების დადებამდე რიგგარეშე არჩევნების ჩატარება არარელევანტურია:

„ვიდრე კომისია არ დაამთავრებს მუშაობას, რიგგარეშე არჩევნები არარელევანტურია, მე მაშინ იქ არ უნდა ვიყო, რადგან იქ ვარ, ეს ნიშნავს, რომ წინააღმდეგობაში მოვდივარ ჩემს თავთან. თუმცა, თუ შევთანხმდებით პლებისციტზე, ეს კარგიც იქნება. დღეს რაც გააკეთა ძველმა გვარდიამ „ნაცმოძრაობის", ისეთი კატასტროფული სიჩქარით დაკარგა რეიტინგი, შეკითხვა რომ დასვას რომელიმე ტელევიზიამ ან კვლევითმა ორგანომ - მხოლოდ ორი პარტია რომ იღებდეს არჩევნებში მონაწილეობას, „ევროპელი სოციალისტები“ და „ნაცმოძრაობა“, ვის მისცემდით ხმას, დღესაც კი მოუგებს „ევროპელი სოციალისტები“ „ნაცებს“, იმდენი სისულელე ჩაიდინეს, სისულელე არ ჰქვია, ბოროტება ჰქვია, " - განაცხადა ზილფიმიანმა.