როცა ხალხს შია, ეკონომიკა გაჩერებულია და კორონავირუსი გვიტევს, ქუთაისის მერიამ და საკრებულომ სტუმრების მასპინძლობაში, საჩუქრებსა და მივლინებებში კოლოსალური თანხები დახარჯა

პოლიტიკა - 13:14, 03 Mar, 2021

1051

კორონავირუსის პანდემიისა და გაჩერებული ეკონომიკის მიუხედავად ქუთაისის მერიამ და საკრებულომ 2020 წელს საჩუქრებში, სტუმრების მასპინძლობაში, საწვავსა და მოგზაურობაში კოლოსალური თანხები დახარჯა. პანდემიური წელია 2021-იც, თუმცა ქალაქის ხელისუფლებამ ბიუჯეტში სამივლინებო და სარესტორნო ხარჯები წელსაც გაწერა.

ქუთაისის მერიამ და საკრებულომ 2020 წელს სტუმრების მიღება-დასაჩუქრებაში 100 000-მდე ლარი დახარჯა, 151 000 ლარი კი საწვავში. მოგზაურობა მთავრობის წევრებმა რამდენიმე ქვეყანაში მოასწრეს.

"მაშინ, როდესაც ადამიანები ჩაკეტილები იყვნენ, ლუკმა-პურისათვის იბრძოდნენ, ელემენტარულად, რომ გამოეკვებათ საკუთარი ოჯახები, ქუთაისის მერი რესტორნიდან-რესტორანში დადიოდა. მისი მივლინებები იმდენადაა გაზრდილი, რომ ერთი სული აქვთ გაიხსნას საზღვრები და გავარდნენ სხვადასხვა ქვეყანაში", - ამბობს ენმ-ს წევრი გიგა შუშანია.

მისი თქმით, საბოლოოდ ქუთაისის ბიუჯეტის 50%-მდე იხარჯება იმისთვის, რომ ხელისუფლების წევრები შეინახონ.

"ევროპული საქართველოს" წევრის, დავით გოგისვანიძის განცხადებით, "ქართული ოცნება" თავის რეალობაშია და მოწყვეტილია ადამიანების გასაჭირს.

წყარო: "მთავარი არხი"