ენმ-ს ოფისზე თავდასხმის უკან "ქართული ოცნება" დგას? - ვინ არიან დაკავებულები და ვის აფარებს ხელს გომელაურის უწყება (ახალი დეტალები)

პოლიტიკა - 11:15, 03 Mar, 2021

2676

გორში ნაციონალური მოძრაობის ოფისის დარბევაში სავარაუდოდ "ქართული ოცნების" აქტივისტები მონაწილეობდნენ.

კადრებში ჩანს, რომ მინიმუმ 6 პირი ენმ-ს ოფისს რამდენიმე წუთის განმავლობაში არბევს და ადგილზე რამდენჯერმე ბრუნდება.

შსს-ს ოფიციალური ინფორმაციით, სხვისი ნივთის დაზიანებაში სამი პირი მონაწილეობდა და სამივე მათგანი დაკავებულია.

ოპოზიციაში კი ამბობენ, რომ დარბევაში კულტურისა და ტურიზმის სამსახურის თანამშრომლი ფარნა მახოხაშვილიც მონაწილეობდა, თუმცა მმართველ პარტიასთან დაახლოებული მახოხაშვილი არავის დაუკავებია.

დაკავებულთაგან ორის ვინბაობა ცნობილია. ესენი არიან: გიორგი კალატოზიშვილი და გიორგი ბადაშვილი. ოპოზიციაში აცხადებენ, რომ დაკევებულები და ინცინდენტში მონაწილე სხვა პირები ადგილობრივი ხელისუფლების მაღალჩინოსანთა ნათესავები არიან. მმართველი პარტიის ყოფილი მაჟორიტარი დეპუტატის თემურ ხუბულურის ნათესავია დაკავებული გიორგი კალატოზიშვილი.

ენმ-ს ინფორმაციით, მახოხაშვილს "ქართული ოცნება" ყველა აქციაში იყენებს. ბადრი ბასიშვილი ძმებ ხოჯევანიშვილების გვარსაც ახსენებს.

"აღნიშნულ ჯგუფებს მფარველობს ხოჯევანიშვილების კლანი, მათ ადგილზე ზურგს უმაგრებენ სამხარეო პოლიციის უფროსი ილია კვაღინიძე და ასევე შიდა ქართლში სუს-ის რეგიონალური უფროსიოთარ ნონაშვილი"- აცხადებს ენმ-ს ერთ-ერთი ლიდერი ბადრი ბასიშვილი.