"თუ დამისახელებენ კანდიდატს, რომელიც ჩემზე ბევრად მეტს გაუკეთებს ქვეყანას, ადგილს სიამოვნების დაუთმობ"- რა ხდება ტიკარაძე-გამყრელიძეს შორის?

პოლიტიკა - 16:11, 02 Mar, 2021

1361

აქვს თუ არა დაპირისპირება ჯანდაცვის მინისტრს, ეკატერინე ტიკარაძესთან და აპირებს თუ არა თანამდებობის დატოვებას - ამირან გამყრელიძე შესაბამისი კითხვის საპასუხოდ ამბობს, რომ დაპირისპირება მხოლოდ კორონავირუსთან აქვს.

"დაპირისპირება არსებობს ჩემსა და ერთ სუბიექტს შორის მარტო, ეს სუბიექტი გახლავთ კორონავირუსი, SARS-COV-2, რომელიც იწვევს დაავადებას, Covid-19-ს. აი ეს დაპირისპირებულობა არსებობს, რომელსაც მე ვებრძვი უკვე წელიწადი და ზუსტად ერთი თვეა. ხან მე ვჯობნი მას და ვჯაბნიდი სექტემბრის შუა რიცხვებამდე, მერე მან დამჯაბნა მე, სექტემბრის მეორე ნახევრიდან. შემდეგ დეკემბრის მეორე ნახევრიდან ისევ დაიწყო ამ ბრძოლაში ჩემი უპირატესობა და დღეს ისევ ჯერჯერობით მე ვჯაბნი მას. ვნახოთ, საბოლოოდ როგორ დამთავრდება ეს ბრძოლა.

არავითარი დაპირისპირება მე ქალბატონ ეკასთან არ მაქვს, ჩვენ ძალიან კარგად ვთანამშრომლობთ, გასაგებია, რომ ზოგიერთ საკითხთან დაკავშირებით დისკუსია, განხილვა და კამათი გვაქვს, ეს ბუნებრივი პროცესია, მაგრამ მე ყოველთვის ვიცავ სუბორდინაციას", - განაცხადა ამირან გამყრელიძემ.

რაც შეეხება გადადგომას ან გადაყენების საკითხს, გამყრელიძე ამბობს, რომ თუ დაუსახელებენ კანდიდატს, რომელიც მასზე ბევრად მეტს გაუკეთებს ქვეყანას, ის ადგილს სიამოვნებას დაუთმობს.