აქცია სოხუმში - ბჟანიას თანაშემწეს "საქართველოსთან თანამშრომლობაში" ადანაშაულებენ

პოლიტიკა - 15:39, 02 Mar, 2021

1003

სოხუმში, საოკუპაციო რეჟიმის ე.წ. პარლამენტის შენობასთან საპროტესტო აქცია მიმდინარეობს. შეკრებილები აპროტესტებენ სოციალურ ქსელში გავრცელებულ ინფორმაციას იმის თაობაზე, რომ ე.წ. პრეზიდენტ ასლან ბჟანიას მრჩეველი საგარეოეკონომიკურ საკითხებში ბენურ კვირაია საქართველოს ხელისუფლების მიერ კონტროლირებად ტერიტორიაზე იმყოფებოდა, სადაც გარკვეული მოლაპარაკებები გამართა.

"ჩვენ ვაპროტესტებთ პრეზიდენტის მრჩევლის ვიზიტს, ასევე სოცქსელში გავრცელებულ ვიდეოს, სადაც ბენურ კვირაია დავით კვარაცხელიას სადღეგრძელოს სვამს და სახელობის პარკის გაშენებაზე საუბრობს. ეს კი ის პირია, ვინც 1992-93 წლებში ჩვენს წინააღმდეგ იბრძოდა.

ჩვენ ვითხოვთ, რომ პარლამენტმა ან ფაქტის შესახებ საკუთარი აზრი მოგვახსენონ. მითუმეტეს, რომ ეს არ არის პირველი შემთხვევა - პრეზიდენტის მრჩველი ლაშა საკანია შეხვდა საქართველოს პარლამენტის წევრებს, რომლ;ებმაც ხატებით ხელში უკანონოდ გადმოკვეთეს ენგური," - აცხადებს ვეტერანთა მოძრაობა "არუაას" ლიდერი თემურ გულია.

გავრცელებულ ვიდეოში ბჟანიას თანაშემწე ასევე საუბრობს აფხაზი და ქართველი ხალხის ძმობაზე, წარსული უთანხმოების წარსულში დატოვების საკითხსა და სამომავლო თანამსრომლობაზე.

მიტინგის მიმდინარეობის დროს, რამდენიმე ოპოზიციური პარტიის ლიდერი პარლამენტში დეპუტატებთან შეხვედრაზე შეუშვეს.

აღნიშნულ ფაქტს გამოეხმაურა ბჟანიას ადმინისტრაცია და განაცხადა, რომ ბენურ კვირაია 2021 წლის 19 თბერვლის შემდეგ მჟანიას თანაშემწე აღარ არის, ხოლო საოკუპაციო რეჟიმის ე.წ. უშიშროების სამსახურის ინფორმაციით, ვიდეო გასულ წელს ოჩამჩირის რაიონის სოფელ სკურჩაშია გადაღებული.